«Кыргызалтындын» жаңы төрагасы ким болору болжолдуу билинди
«Кыргызалтын» ААК башкармалыгынын төрагасы Элдияр Султанов кызматтан кетүү боюнча арызын жазган. Анын ордуна директорлор кеңешинин мүчөсү Кубат Абдраимов дайындалышы мүмкүн. Бул тууралуу Economist.kg басылмасына өздүк булактар билдирди.
Султанов кызматтан кетүү тууралуу маалыматты жеке өзү тастыктады. Бирок азырынча эч нерсе белгисиз экенин, кечке чейин расмий билдирүү болоорун белгиледи.
Эске салсак, Султанов “Кыргызалтындын” жетекчиси болуп 2022-жылдын сентябрында дайындалган. Буга чейин ал “Кыргызкөмүр” мамлекеттик ишканасын жетектеп келген.
Белгилей кетсек, Султановго чейин өткөн жылдын сентябрь айында «Кыргызалтын» ААК башкармалыгынын төрагасы Жарасул Абдураимов, ошондой эле төраганын орун басарлары Амантур Турсуниязов, Жеңиш Сейдалиев жана Данияр Конокбаев бир убакытта кызматтан кетишкен жана анын себеби айтылган эмес.
Тогуз айда «Кыргызалтындын» таза кирешеси 38 млрд сомго жетти
