Кытай - Кыргызстан - Өзбекстан темир жолун куруу долбоорун координациялоо боюнча кеңсе ачылат - КРга Өзбекстандан делегация келди
Кытай – Кыргызстан – Өзбекстан темир жолун куруу долбоорун координациялоо боюнча биргелешкен Долбоордук кеңсенин ачылышына катышуу үчүн Өзбекстандын Транспорт министрлиги менен «Өзбекстан темир жолдору» АКнын өкүлдөрү Кыргызстанга келишти. Бул тууралуу “Кыргыз темир жолунун” маалымат кызматы билдирди.
Кеңсенин максаты – долбоордун практикалык ишке ашырылышын тездетүү боюнча биргелешкен чараларды координациялоо болуп саналат.
Бүгүнкү күндө «Кыргыз темир жолу» УК» МИ жана «Өзбекстан темир жолдору» АКсы тарабынан Кытай – Кыргызстан – Өзбекстан темир жолун куруу боюнча бардык зарыл болгон алдын ала иш-чаралар жүргүзүлүүдө.
Кытай темир жол курулуш корпорациясынын биринчи долбоорлоо-изилдөө институту аталган долбоордун техникалык-экономикалык негиздемесин иштеп чыгуунун үстүндө иштеп жатат.
Белгилүү болгондой, 2022-жылдын 14-сентябрында Өзбекстандын Транспорт министрлиги, КРнын Транспорт жана коммуникациялар министрлиги жана КЭРдин Өнүктүрүү жана реформалар боюнча мамлекеттик комитети Кытай – Кыргызстан – Өзбекстан темир жолун куруу долбоору боюнча үч тараптуу өз ара түшүнүшүү жана кызматташуу Меморандумуна кол коюшкан.
Кытай — Кыргызстан — Өзбекстан темир жолу боюнча ТЭН 2023-жылдын 1-июнуна чейин бүтүш керек
