Казакстандыктарга Европага визасыз кирүү каралууда - бийлиги сүйлөшүүлөрдү жүргүзүп жатат
Казак дипломаттары Казакстандын жарандарына Шенген аймагына кирген өлкөлөргө визасыз режимде кирүү мүмкүнчүлүгү боюнча сүйлөшүүлөрдү жүргүзүп жатканын Tengrinews.kz билдирди.
Казакстандын Тышкы иштер министрлигинин расмий өкүлү Айбек Смадияровдун айтымында, Европа өлкөлөрү менен визасыз режим боюнча сүйлөшүүлөр көптөн бери жүрүп келет.
“Учурда Шенген зонасы боюнча сүйлөшүүлөр жүрүп жатат. Евробиримдиктин өлкөлөрүнүн макулдугу керек. Бизде бир тараптуу визасыз режим бар (Казакстанга Шенген аймагынан келген өлкөлөрдүн жарандары үчүн). Бул зона бизге визасыз болушу үчүн сүйлөшүүлөрдү жүргүзүп жатабыз», – деген Смадияров.
Казакстандын ТИМи ошондой эле Латын Америка өлкөлөрү казакстандыктарга визасыз режимди берүүгө кызыкдар экенин, себеби бул өлкөлөргө Казакстандан келген туристтердин саны көбөйгөнүн да кошумчалады.
