«Манас» аэропорту боюнча маселе ачык бойдон турат - ММБФ
Кечээ, 23-январда Бюджет, экономикалык жана фискалдык саясат боюнча комитетинин жыйынында Мамлекеттик мүлктү башкаруу фондунун (ММБФ) төрагасы Мирлан Бакиров “Манас” эл аралык аэропорту” тууралуу бир катар маалымат берди.
Жыйында депутат Таалайбек Сарыбашов “Манас” аэропорту боюнча бийликтин позициясы кандай экенине кызыкты.
ММБФнын төрагасы “Манас” эл аралык аэропортунун” 79% үлүшүнө мамлекет ээлик кыларын, аэропорт 2021-жылы 4 млрд сом таза пайда менен чыкканын жана 2022-жылды 5 млрд сом менен жыйынтыктаганы жатышканын айтты.
“Ошого ылайык, кызыккан тараптар да жок эмес. Экономика жана коммерция министрлиги менен Дүйнөлүк банктын тобуна кирген IFC менен келишим түзүлгөн. Ага ылайык, МЖӨ ыкмасында ачык сынак менен инвестор тандап алуу каралган. Бирок анда бир гана “Манас” аэропорту боюнча болгон.
Эки аэропортту бирдей модернизациялоо үчүн сунушту Түркия, Араб мамлекеттери киргизип жатат. Бүгүн маселе ачык бойдон турат, конкреттүү эч бир компания менен келишим түзүлгөн жок”, – деди Бакиров.
Эскерте кетсек, буга чейин Бакиров «Манас» эл аралык аэропортунун» 10% үлүшүн эл аралык соодага чыгаруу максатында IPOго коюу каралып жатканын билдирген болчу.
«Манас» аэропорту 5-миллионунчу жүргүнчүсүнө 100 миң сомдук сертификат тапшырды
«Манас» аэропортуна инвестиция жана тез арада учуу тилкесин реконструкциялоо керек — Бекешев
