Кыргызстанда Amazon сыяктуу аянтча пайда болот
Кыргызстанда Amazon`дун аналогуна окшош аянтча пайда болушу мүмкүн. Бул тууралуу “Кабар” агенттигине Кыргыз-Өзбек өнүктүрүү фонду башкармалыгынын төрагасы Азиз Аалиев билдирди.
Анын айтымында, мындай долбоорду каржылоого арыз фонддун кардарлары тарабынан берилген. Аянтчаны Бишкектеги “Дордой” базарына жакын жерге куруу пландалууда.
“Долбоор “А” классындагы эл аралык хабды түзүүнү карайт — бул толугу менен онлайн соода менен толук автоматташтырылган жогорку технологиялык кампа, башкача айтканда, Amazon типтүү. Долбоорлор биздин өлкөнүн соода балансын жогорулатууга мүмкүндүк түзөт”, – деди Аалиев.
Ал фонд ошондой эле Кызыл-Кыя шаарындагы ири логистикалык борбордун курулушун каржылоого даярданып жатканын, ал жерде Өзбекстанга экспорттоого арналган атамекендик товарлар сакталарын кошумчалады.
