Екатеринбургдун ишкерлери үчүн Кыргызстандын жеңил өнөр жайынын презентациясы өттү
Екатеринбургдун ишкерлери үчүн Кыргызстандын жеңил өнөр жайынын презентациясы өттү. Бул тууралуу Тышкы иштер министрлиги билдирди.
Маалыматка ыйлайык, 2023-жылдын 3-мартында КРнын Екатеринбургдагы Башкы консулдугу, ТИМдин Экономикалык дипломатия департаментинин жана Свердлов облусунун чакан жана орто бизнес союзунун колдоосу менен «КР жеңил өнөр жайы» темасында тегерек стол өткөрдү.
Тегерек столдун алкагында Кыргызстандын жеңил өнөр жайынын презентациясы болуп, жолугушуунун катышуучуларына Кыргызстандын тигүү жана текстиль ишканаларынын өндүрүштүк жана экспорттук мүмкүнчүлүктөрү жөнүндө айтылды, ошондой эле инвестиция тартуу үчүн жагымдуу шарттар, бизнес жүргүзүү, жаңы өнөр жай – индустриалык аймактарда салык салуу, анын ичинде «Бишкек» ЭЭАда тууралуу маалымат берилди.
Жолугушууда кыргыз жана россиялык компаниялардын ортосундагы кызматташтыктын келечектүү багыттары талкууланып, Башкы консулдук жана Свердлов облусунун чакан жана орто бизнес союзу Урал ишкерлеринин Кыргыз Республикасына бизнес миссиясын уюштурууну сунушташты.
