«Кыргыз индустрия» кызматкерлеринин айлыктарына жылына 60 млн сом сартптайт
«Кыргыз индустрия» жыл сайын кызматкерлеринин айлыктарына гана 60 млн сом сартптайт. Бул тууралуу отун-энергетикалык комплекс, жер казынасын пайдалануу жана өнөр жай саясаты боюнча ЖК комитетинин отурумунда депутат Женишбек Токторбаев билдирди.
Ал экономика министринин орун басары Чынгыз Макешвого кайрылып, «Кыргыз индустриянын» чыгымдары тууралуу сындады.
«Ал жерде 70 адам иштейт. Алардын минималдуу айлык акысы 50 миңден 70 миң сомго чейин барат. Ай сайын мамлекеттик бюджеттен 4 млн сом сарпталат, бир жылда 50 млн сом. Андан сырткары премиялар жана 13 айылк акы бар – жалпысынан 60 млн сом кетет», – деди депутат.
