Кыргызстан АЧК-2 долбоорунун негиздемесин даярдоону тездетет – курууга Кытай жардам берет
Кытай менен Кыргызстан Айланма Чүй каналы-2 (АЧК-2) курулушунун долбоорун ишке ашыруунун жүрүшүн талкуулашып жатышат. Маселе министрлер кабинетинин төрагасы Акылбек Жапаровдун Кытайдын ыйгарым укуктуу элчиси Ду Дэвэн менен жолугушуусунда көтөрүлдү.
Маалыматка ылайык, АЧК-2 Кыргызстандын сугат жерлерин суу менен камсыз кылууну жогорулатууга мүмкүндүк берет.
Министрлер кабинетинин башчысы долбоордун техникалык-экономикалык негиздемесин даярдоону тездетүү жана быйылкы жылы курулуш иштерин баштоо зарылдыгын белгиледи. Ду Дэвэнь жогоруда аталган маселелерди илгерилетүүгө даярдыгын билдирди.
