Кыргызстандык Sonun бренди жашылча консерваларын Россияга, Казакстанга жана АКШга экспорттойт – видео
Орус-кыргыз өнүктүрүү фонду (РКӨФ) Sonun брендинин өндүрүштү өнүктүрүү үчүн $3.9 млн насыя берген. Бул тууралуу фонддун маалымат кызматы билдирди.
«Прод Импекс» ишканасынын башчысы Шайлоогүл Майлиеванын айтымында, жашылча-жемиш консерваларынын негизги бөлүгү Кыргызстандын аймагында сатылат. Продукциянын 30%га жакыны экспортко чыгарылат.
Компания 2017-жылы ишке киргизилген. Аны курууга жана заманбап техникалар менен жабдууга РКӨФ тарабынан $3.9 млн бөлүнгөн, чийки затты КРнын ар кайсы аймактарынан 35тен ашык чарбалар ташып келүүдө. Өндүрүлгөн продукция ЕАЭБ рынокторунун бардык талаптарына жооп берет.
