Кыргызстандык өндүрүүчүлөр инвесторлор үчүн халал продукцияларынын көргөзмөсүн уюштурушту
Кыргызстандан келген өндүрүүчүлөр Жакынкы Чыгыштан келген инвесторлорго тартуулоо үчүн Бишкекте халал продукцияларынын көргөзмөсүн уюштурушту. Иш-чара IBIF-2023 Ислам инвестициялык бизнес форумунун алкагында өттү.
Кыргызстандын 20дан ашык ири өндүрүүчүлөрү кургатылган жемиштерди, жаңгактарды, эт азыктарын, буурчак өсүмдүктөрүн, улуттук суусундуктарды, кийизден жасалган буюмдарды тартуулашты. Ошондой эле ата мекендик туроператорлор конокторго Кыргызстандын туристтик мүмкүнчүлүктөрү тууралуу айтып беришти.
«Акыркы жылдары Made In Kyrgyzstan бренди дүйнөнүн негизги рынокторунда туруктуу позицияны ээлеп келет. Көптөгөн кайрылуулар биздин продукцияны Кыргызстанга алып келүүгө гана эмес, биргелешкен ишканаларды түзүүгө кызыкдар компаниялардан келип түшүүдө», – дейт форумдун уюштуруучусу.
