Баткендин жолдорун жакшыртуу үчүн Япония $5.3 млн берет
«Баткен облусунун жолдорун сала турган жабдууларды жакшыртуу» долбоору боюнча Япония өкмөтү Кыргызстанга $5.3 млн берет. Бул тууралуу Финансы министрлиги билдирди.
Маалыматка ылайык, каражат гранттык негизде берилет. Долбоордун негизги максаты – Баткен облусунун аймагында табигый кырсыктарга туруктуу жолдорду куруу жана Борбордук Азия чөлкөмүндө логистиканын коопсуздукту камсыз кылуу.
Белгилей кетсек, долбоордун аткаруучу органы – КР Транспорт жана коммуникациялар министрлиги.
