Ысык-Көл 1.4 млн миң даана балык чабактары менен балыктандырылды
Балык чарба департаменти Ысык-Көл көлүнүн балык уулоочу тилкелерин балык чабактары менен балыктандырууну улантууда. Бул тууралуу Айыл чарба министрлиги билдирди.
Такталгандай, Ысык-Көл көлүнүн 13-балык уулоо тилкесине (Тоң суусу) Ысык-Көл форелинин 185 мг. салмактагы 100 миң даана чабактары менен балыктандырылып. Ак-Терек тилкесине (9-балык уулоочу участок) 50 миң даана форель балыгынын чабактары. 40 миң даана Ысык-Көл форель балыгынын чабактары Түп дарыясына кое берилди.
Бир сутканын ичинде эле «Тоң балык өстүрүүчү заводу» МИ инкубациялык цехинен Ысык-Көлгө 190 000 (Ысык-Көл) форель-гегаркуни балыгынын чабактары чыгарылып, балыктандырылды.
Мындан тышкары, инкубациялык цех Ысык-Көл көлүнүн №1 участогуна (Балыкчы ш.) 800 миң даана, №2 участогуна (Торуайгыр) 600 миң даана жашоого жарамдуу сиг-лудога балыгынын чабактары кое берилип. Жалпы 1 млн. 400 миң даана балык чабактары менен балыктандырылды.
