КР менен Кытай «Торугарт» жана «Иркештамдын» өткөрүү жөндөмдүүлүгүн жогорулатууну талкуулашты
2023-жылдын 26-апрелинде Сиань шаарында «Борбордук Азия – Кытай» тышкы иштер министрлеринин 4-жолугушуусуна катышуу алкагында КР Тышкы иштер министри Жээнбек Кулубаевдин КЭР Тышкы иштер министри Цинь Ган менен эки тараптуу жолугушуусу болуп өттү. Бул тууралуу ТИМ билдирди.
Такталгандай, министрлер «Торугарт» жана «Иркештам» көзөмөл-өткөрүү пункттарынын өткөрүү жөндөмдүүлүгүн жогорулатууну талкуулашты.
Кулубаев «Бир алкак – бир жол» долбоорунун маанилүү чынжырчасы боло турган «Кытай-Кыргызстан-Өзбекстан» темир жолун куруу долбоорун практика жүзүндө ишке ашырууну тездетүүнүн маанилүүлүгүн белгиледи.
