Эртең Бишкекте темир жол өтмөгү убактылуу жабылат

2023-жылдын 9-июнунда Бишкекте темир жол өтмөгү убактылуу жабылат. Бул тууралуу «Кыргыз темир жолу» УК» МИси маалымдайт.

Такталгандай, эртең саат 08:00дөн 17:00гө чейин оңдоо иштерине байланыштуу Ленин районундагы Мурманская көчөсүндө жайгашкан кайтарылган темир жол өтмөгү жабылат.

«Иш чара ШИИБ боюнча МККБ менен макулдашылды. Буга байланыштуу Садыгалиев, Дэн Сяопин жана Алыкулов көчөлөрү менен айланып өтүүгө болот», - деп мекеме жыйынтыктады.