Кыргызстанда балык чарбасын өнүктүрүү стратегиясы талкууланды
2023-жылдын 9-июнунда Балык чарба депараменти жана Бириккен Улуттар Уюмунун Азык-түлүк жана айыл чарба уюму (ФАО) менен биргеликте уюштурулган КРнын «2024-2028-жылдарга балык чарбасын өнүктүрүү стратегиясын» талкуулоо боюнча тегерек стол болуп өттү. Бул тууралуу Айыл чарба министрлиги кабарлады.
Иш-чарада КРнын балык чарбасынын учурдагы абалы жана жакынкы 5 жылга Кыргыз Республикасынын аквакультурасын жана балык уулоосун өнүктүрүү стратегиясынын маселелери талкууланды.
Жолугушууда Айыл чарба министринин орун басары С. Насирдинов, Э. Ниязов - Айыл чарба министрлигине караштуу Балык чарба депараментинин директору, Хайдар Ферсой - ФАОнун балык уулоо жана аквакультура (балык өстүрүүчүлүк) боюнча улук адиси, Том Шиптон – ФАОнун эл аралык консультанты катышты.
