2023-жылдын беш айында «Коопсуз шаардан» бюджетке 243.8 млн сом түштү

«Акылдуу шаар» долбоорунун «Коопсуз шаар» компонентинин экинчи этабын ишке ашырууну эске алуу менен 900 млн сом өлчөмүндө финансылык каражаттар каралган. Бул тууралуу Финансы министрлиги кабарлады.

Маалыматка ылайык, 2023-жылдын январь-май айларында «Коопсуз шаар» долбоорунун алкагында республикалык бюджетке 243.8 млн сом түштү.

Ошондой эле, 2023-жылы каралган каражаттардын ичинен подрядчы «Вега Оперейтинг Компани» ЖЧКсы менен түзүлгөн келишимдерге жана 2022-жылдын октябрь, ноябрь, декабрь айлары жана 2023-жылдын январь айлары үчүн берилген салыштыруу актысына ылайык эсептешүүлөрдү жүргүзүү үчүн 45.6 млн сом өлчөмүндө каражат бөлүндү.