Бишкектен Астанага каттам ачылды — билеттин баасы 75 доллардан башталат
10-июндан тарта Астана – Бишкек – Астана багыты боюнча түз аба каттамы ачылды. Каттамдарды Fly Arystan авиакомпаниясы аткарат. Учактар жумасына эки жолу учат. Жайкы сезонго билеттердин баасы 75 доллардан башталат.
Казакстандын Fly Arystan авиакомпаниясы Бишкектен Астанага шейшемби жана ишемби күндөрү учат. Учуу 1 саат 45 мүнөткө созулат.
Бишкектен Астанага жайкы мезгилге билеттердин баасы 75 доллардан башталып, ага бортто бир орун жана беш килограммга чейинки бир даана кол жүгү кирет.
