Кыргызстандын кайра иштетүү өнөр жайынын 2023-жылдын январь-май айларында өндүрүштүн көлөмү 122.8 млрд сомду түздү. Бул тууралуу Экономика министрлиги билдирди.

Такталгандай, төмөнкү тармактардын көлөмү да өскөн: химиялык продукцияда – 21.8%га, текстиль өндүрүшүндө, кийим-кече жана бут кийим өндүрүшүндө, булгаары жана булгаарыдан жасалган буюмдарда – 29.2%га, жыгач жана кагаз буюмдарында, полиграфияда – 19.3%га, резина, пластмасса буюмдары жана курулуш материалдары – 15.3%, фармацевтика – 25.7%, тамак-аш азыктары (анын ичинде суусундуктар) жана тамеки буюмдары – 8.2%га.

Муну менен катар эле негизги металлдарды өндүрүү 6.8%га жана мунай продуктуларын өндүрүү 1.3%га кыскарган.

Пайдалуу кендерди казып алууда өндүрүштүн көлөмү 2023-жылдын январь-май айларында 19 млрд сомду. Электр энергиясы, газ, буу жана кондицияланган аба менен камсыз кылууда өндүрүштүн көлөмү 2023-жылдын январь-май айларында 22.3 млрд сомду түзүп, кыскаруунун эсебинен 0.2%га кыскарган.

Суу менен камсыз кылуунун, тазалоонун, калдыктарды тазалоонун жана экинчилик сырьенун көлөмү 1.5 млрд сомду түздү.

2023-жылдын январь-май айларында айыл чарбасынын дүң продукциясы 71.1 млрд сомго өндүрүлгөн. 2022-жылдын тийиштүү мезгилине салыштырмалуу реалдуу өсүү темпи 2.4% түздү.

2022-жылдын январь-май айларына салыштырмалуу негизги капиталга инвестициялардын көлөмүнүн өсүшү каржылоонун ички булактарынын 12%га өсүшү менен камсыз кылынды, ал эми тышкы булактардын көлөмү, тескерисинче, 27.4%га кыскарды.

Экономиканын кызмат көрсөтүүчү тармактарынын түзүмүндө эң чоң үлүштү дүң жана чекене соода – 26.6%, транспорттук кызмат көрсөтүүлөр – 10.2% ээлейт.