Россияда бензин дагы, дизель да кымбаттады, бул Кыргызстандагы бааларга таасир этет — Нефтетрейдерлер ассоциациясы

Ишкер Media

22 авг 2023 12:32

Дүйнөлүк экономика кыш мезгилинин алдында дизелдик отундун рекорддук тартыштыгын баштан өткөрүп жатат. Талдоочулар азыркы запастардын көлөмү дүйнөлүк экономиканын муктаждыктарына жетпей калышы мүмкүн деп коңгуроо кагышууда. Кыргызстан үчүн бул тобокелдиктер күйүүчү майдын бардык түрлөрүнүн бааларынын кымбатташына алып келиши мүмкүн. Бул тууралуу Economist.kg басылмасына Кыргызстандын Нефтетрейдерлер ассоциациясынын жетекчиси Канат Эшатов билдирди.

Эшатовдун айтымында, Кыргызстандагы дизель майынын баасы баарынан мурда Росиядагы мунай иштетүүчү заводдордун баасына көз каранды. Анткени Кыргызстан күйүүчү майды ошолордон сатып алат.

"Кыргызстан Россиянын мунай иштетүүчү заводдорунан кое берилген бааларга ориентир алат", - дейт Канат Эшатов.

Орус маалымат каражаттарынын жазышынча, ушул жылдын жай айларында Россияда дизель майынын баасы мезгил-мезгили менен тарыхый максимумга көтөрүлүп турган. Эксперт мындай тенденция Кыргызстандагы күйүүчү майдын баасына түздөн-түз таасирин тийгизерин белгиледи.

"Август айынын башынан бери Россияда бензин дагы, дизель майы да тоннасына 140 долларга кымбаттады. Бул жагдай Кыргызстанда да баалардын кымбатташына алып келиши мүмкүн. Бирок, азырынча жергиликтүү компаниялардын запастары бар. Ушуга байланыштуу, дагы эки жума бааларды кармай алабыз. Бирок кырдаал өзгөрбөсө, анда кыргыз компаниялары дизелдин да, бензиндин да баасын көтөрүшү керек", - дейт Нефтетрейдерлер ассоциациясынын башчысы.

Мындан тышкары окуңуз

Бишкекте 5 автобус каттамы убактылуу өзгөрөт

Бүгүндөн тарта Бишкектеги Махатма Ганди көчөсүндө жол оңдоо иштерине байланыштуу транспорт кыймылы чектелет. Бул тууралуу мэриянын басма сөз кызматы маалымдады. Билдрирүүгө караганда, ага байланыштуу №6, 36 жана 169-автобустар Гагарин көчөсү аркылуу жүрүп, №4 шаардык ооруканага кирбей өтөт. Ошондой эле №23 жана 18-автобустардын схемасы өзгөрөт. Борбор калаанын мэриясы шаар

ЖК комитети Токтогул ГЭСин куруудагы компенсацияны көбөйтүү боюнча мыйзам долбоорун жактырды

Жогорку Кеңештин тармактык комитети Токтогул районунун жана Кара-Көл шаарынын Жазыкечүү айылынын аймагында Токтогул ГЭСин жана суу сактагычты курууда келтирилген зыян үчүн компенсациянын көлөмүн көбөйтүү боюнча мыйзам долбоорун биринчи окууда жактырды. Парламенттин маалыматына караганда, аталган мыйзам долбоорун ЖКнын Финансы, бюджет, ишкердик жана атаандаштыкты өнүктүрүү боюнча комитети 20-октябрдагы жыйынында карап,

Жоокерлерди үйүнүн курулушуна иштеткен командир кармалды

Кызматтык абалынан кыянаттык менен пайдалануу фактысы боюнча Улуттук гвардиясынын аскер бөлүгүнүн командири кармалды. Бул тууралуу УКМКнын маалымат кызматы кабарлайт. Маалым болгондой, УКМК менен Аскер прокуратурасы биргеликте Коргоо министрлигинин Улуттук гвардиясынын аскер бөлүктөрүнүн биринин командири И.А.нын жеке үйүнүн курулушуна өзүнө баш ийген келишимдик негизде кызмат өтөгөн аскер кызматкерлерин системалуу

Ат-Башыдагы чек ара бөлүмүнө 33 чакырым электр чубалгысы тартылды

Ат-Башы районунун Ак-Сай өрөөнүндөгү мурда жарыксыз иштеп келген "Көк-Айгыр" чек ара бөлүмүнө электр энергиясы жеткирилди. Бул тууралуу президенттин Нарындагы өкүлчүлүгүнөн кабарлашты. Маалыматка ылайык, долбоордун алкагында "Торугарт" көмөкчү чордонунан 33 чакырым электр чубалгысы тартылып, 160 кВА кубаттуулуктагы 2 трансформатор жана 500дөн ашык электр мамысы