БА жана Индия коопсуздук кеңештеринин катчыларынын үчүнчү жолугушуусу болду
КРнын Коопсуздук кеңешинин катчысы Бактыбек Бекболотовдун төрагалыгы алдында Борбор Азия жана Индия форматындагы коопсуздук кеңештеринин катчыларынын / улуттук коопсуздук боюнча кеңешчинин үчүнчү жолугушуусу болуп өттү. Бул тууралуу Президенттин расмий сайтында маалымдалды.
Бул көп тараптуу формат тынчтыктын жана туруктуулукту чыңдоонун кызыкчылыгында кеңири аймактык өз ара аракеттенүүнүн уландысы болуп саналат, ошондой эле коопсуздуктун негизги маселелери боюнча пикир алмашуу үчүн уникалдуу аянтча катары кызмат кылат.
Бактыбек Бекболотов өз сөзүндө бул жолугушуу үчүн абалды баалоодогу жана чөлкөмдүк жана улуттук коопсуздуктун абалына болгон чакырыктардын жана коркунучтардын таасиринин даражасындагы окшоштук эң баалуу экенин белгиледи.
Жолугушууда тараптар ишенимдин кеңири жоголушу, санкциялык кысым жана геосаясий атаандаштык биргелешкен долбоорлорду ишке ашырууну жайлатып жаткандыгын, кызматташтык ар тараптуу мүнөздө болушу керектигин айтышты.
