«Улуттук дем – дүйнөлүк бийиктик» уңгужолу
Көз карандысыз Кыргызстанды жакынкы жылдары өнүккөн, күчтүү, дүйнөлүк бийиктиктерге жеткен мамлекетке айландыруу максатында, Кыргыз Республикасынын Президентинин “Улуттук дем – дүйнөлүк бийиктик” уңгу жолу жөнүндө” Жарлыгы кабыл алынган. Аталган жарлыкты ишке ашыруу максатында КРнын Эмгек, социалдык камсыздоо жана миграция министринде атайын окутуу өткөрүлдү.
Министрликтин кызматкерлери үчүн уюштурулган окутууга белгилүү тарыхчы, “Мурас” коомдук-илимий фондунун төрагасы, профессор – Кыяс Молдокасымов чакырылган. Ал Уңгужолдун негизги багыттарына токтолуп, кыргыз эли – жеке өзүнө таандык тарыхый тагдыры бар, миңдеген жылдар бою өз мамлекеттүүлүк салтын жоготпой сактап келген, дүйнөлүк коомчулук тарабынан таанылган, кайталангыс эл экендигин белгиледи.
Уңгужолдун негизги максаты – мамлекеттик, коомдук-саясий, жарандык институттардын ишин бир нукка салуу менен нарктуу, мекенчил, жоопкерчиликтүү жарандарды калыптандырып, кубаттуу мамлекет куруу болуп эсептелет.
