Камбар-Ата-1 ГЭСи боюнча эл аралык консультациялар өткөрүлдү

Ишкер Media

06 нояб. 2025 12:24

4-5-ноябрда Стамбулда КРнын Энергетика министрлиги Камбар-Ата-1 ГЭСинин айлана-чөйрөгө жана социалдык тармакка тийгизген таасирин баалоо (АЧСТБ) долбоору боюнча эл аралык консультацияларды өткөрдү. Бул тууралуу Энергетика министрлигинин маалымат кызматынан билдиришти.

Кыргызстандын делегациясын министрдин орун басары Алтынбек Рысбеков жетектеди. Ошондой эле табигый ресурстар, экология жана техникалык көзөмөл министринин орун басары Асель Раимкулова жана тышкы иштер министринин орун басары Темирбек Эркинов катышты.

Иш-чарага Тажикстан, Өзбекстан жана Казакстандан расмий өкүлдөр менен 50дөн ашык эл аралык жана улуттук эксперттер, жарандык коомдун өкүлдөрү онлайн жана оффлайн форматта катышты. Талкуунун негизги максаты — долбоордун экологиялык жана социалдык таасирлерин, ошондой эле жумшартуу жана алдын алуу чараларын талкуулоо, кызыкдар тараптардан сунуштар жана комментарийлер алуу болду.

Долбоор боюнча материалдар 2025-жылдын августунан тартып расмий сайтта — kambarata1.org — жеткиликтүү. Алардын ичинде АЧСТБ долбоору, экологиялык жана социалдык башкаруу пландары, жашоо каражаттарын калыбына келтирүү планы, кызыкдар тараптар менен өз ара аракеттенүү планы жана кумулятивдик таасирди баалоо долбоору бар.

Кыргызстан тарап консультацияларды 2025-жылдын 5-декабрына чейин комментарийлерди кабыл алуу менен улантат. Буга чейин октябрда долбоор аймагындагы беш айылда жана Бишкекте болжол менен 450гө жакын катышуучу менен жергиликтүү жана улуттук консультациялар өткөн.

Энергетика министрлиги Камбар-Ата-1 ГЭСин курууда ачыктык, катышуучулук жана конструктивдүү диалог принциптерин карманууга милдеттенгенин билдирди.

Мындан тышкары окуңуз

Президент Садыр Жапаров иш сапары менен АКШга барды

КРНын Президенти Садыр Жапаров АКШ Президенти Дональд Трамптын чакыруусу боюнча Америкага иш сапары менен барды. Садыр Жапаровду “Эндрюс” авиациялык базасынан АКШнын мамлекеттик катчысынын Түштүк жана Борбордук Азия иштери боюнча жардамчысы Пол Капур жана башка расмий адамдар тосуп алышты. Сапардын жүрүшүндө Садыр Жапаров "С5+1" форматындагы мамлекет башчыларынын кезектеги

Ош шаарына курула турган айланма жолдун эскизи иштелип чыкты

КРнын Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Ош регионалдык башкармалыгынын архитекторлору тарабынан кезектеги эскиздик долбоор иштелип чыкты. Бул ирет архитекторлор Ош шаарындагы жол кыймылын иретке келтирүү боюнча А.Масалиев көчөсү менен А.Шакиров көчөсүнүн кесилишине курулуучу айланма жолдун эскиздик долбоорун иштеп чыкты. Долбоор

Чакан жана орто бизнеске 153 млн сом жеңилдетилген насыя берилди

Үстүбүздөгү жылдын 16-октябрына карата "Кыргыз Республикасынын чакан жана орто ишкердик субъекттерин жеңилдетилген кредиттөө" долбоорунун алкагында 52 субъектке жалпы суммасы 153,38 миллион сомго кредиттер берилди. Бул тууралуу Финансы министрлигинен билдиришти. Маалыматка ылайык, долбоорду ишке ашырууга "Ишкердикти өнүктүрүү фонду" ААКсы тартылган. 2025-жылга долбоор боюнча жалпы насыя берүүнүн

Бишкекте майда көмүрдү сатууга жана колдонууга тыюу боюнча рейд өттү

Бишкек шаарында Жаратылыш ресурстары, экология жана техникалык көзөмөл министрлигинин координациясы менен майда (чачылма) көмүрдү ташууга, сатууга, сактоого жана пайдаланууга тыюу салуунун аткарылышын текшерүү боюнча рейд өткөрүлдү. Бул тууралуу Министрликтин маалымат кызматынан билдиришти. Иш-чара Министрлер Кабинетинин 2025-жылдын 6-октябры №639 токтомуна ылайык уюштурулуп, Мурманск көчөсүндөгү көмүр кампалары текшерилди. Рейд учурунда саткан пункттарга