Баткенде япон технологиясы менен 10 продукция чыга баштады
Баткенде "Бир айыл -бир продукт" долбоорунун алкагында япон технологиясы менен дагы 10 продукция чыгарыла баштаганын Президенттин облустагы өкүлчүлүгү "Кабарга" билдирген.
Аталган продукциялар улуттук экономикалык долбоордун алкагында бренд-комитеттин тандоосунан өткөн. Алар:
- кызылча нектары;
- өрүк гүлү чайы;
- кургатылган өрүк данеги менен;
- малина концентраты;
- алма нектары;
- жаңгак жана кургатылган жемиштер;
- ит мурун упасы;
- өрүк данектеринен скраб;
- өрүк мармелад;
- өрүк бал менен.
"Бир айыл - бир продукт" улуттук экономикалык долбоору Баткен облусунда 2018-жылдан бери өз ишин жүргүзүп келет. Бул аралыкта 45 продукция иштелип чыгып, алардын 29у бренд деген статуска ээ болуп, сертификаттар тапшырылган. Бүгүнкү күндө бренд статусундагы продукциялар республиканын аймагында сатыкка чыгарылып жатат.
Андан сырткары, бул продукциялардын ичинен "Нукура" конфети жана "Алыш-Дан" айыл чарба кооперативинин кургатылган өрүгү Россияга экспорттолуп жатат.
Белгилей кетсек, Баткен облусу 2024-жылдын жыйынтыгын менен Бишкекте өткөн "Мыкты улуттук бренд" сынагында жеңүүчү деп табылган.
