Мамлекеттик бажы кызматы кореянын KOICA жана CUPIA агенттиктери менен кызматташат

КРнын Мамлекеттик бажы кызматынын борбордук аппаратында МБКнын Төрагасы А.А. Салиевдин жетекчилиги астында KOICA жана CUPIA агенттигинин делегациясы менен бажы иши чөйрөсүндө актуалдуу маселелерди жана өнүктүрүү преспективаларын талкуулоо боюнча жумушчу жолугушуу болуп өттү.  Бул тууралуу аталган кызматтын басма сөз кызматынан кабарлашты.

Бул иш-чаранын максаты - Кыргыз бажысынын институционалдык дараметин модернизациялоо жана чыңдоо боюнча долбоорун иштеп чыгуу болуп саналат.

Делегация менен кийинки жолугушууларда учурдагы жол-жоболорду жана IT-системаларын баалоого, инфраструктураны модернизациялоого жана бизнес менен өз ара аракеттенүүнүн натыйжалуулугун жогорулатууга багытталган долбоордун стратегиялык багыттарын талкуулоо күтүлүүдө.

Кызматташуунун натыйжасында бажы технологияларын өнүктүрүүнү, сооданы жеңилдетүүнү жана заманбап эл аралык көзөмөлдөө практикасын ишке ашырууну камтыган Кыргыз Республикасынын Бажы кызматын модернизациялоо боюнча башкы планы иштелип чыкмакчы.