“Күрөө келишимдерин онлайн каттоо” боюнча семинар өттү

Коммерциялык банктардын кредиттик-күрөө бөлүмдөрүнүн адистери жана банк филиалдарынын бэк-офис өкүлдөрүнүн катышуусунда “Күрөө келишимдерин онлайн каттоо” боюнча окутуучу семинар уюштурулду. Бул тууралуу Кыргызстан банктарынын бирикмесинен кабарлашты.

Билдирүүгө караганда, семинарды тренер - КРнын Министрлер Кабинетинин алдындагы Жер ресурстары, кадастр, геодезия жана картография боюнча мамлекеттик агенттиктин Санариптик трансформация бөлүмүнүн башчысы - Жыпара  Давлетова өттү. Бул семинар адистердин квалификациясын жогорулатууга жана күрөө келишимдерин онлайн каттоо боюнча практикалык көндүмдөрүн өркүндөтүүгө багытталган.

Анын жүрүшүндө катышуучулар каттоо жол-жобосуна байланыштуу актуалдуу маселелерди талкуулап, бул жааттагы процесстерди жөнөкөйлөтүү боюнча тажрыйба жана ой-пикирлер менен алмашышты.