Канада санкциялар тизмесине Кыргызстандын бир банкы кирди
Канада бийлиги антироссиялык санкциялар тизмесине дагы бир нече компанияларды киргизгени өлкөнүн тышкы саясат ведомствосунун маалыматында айтылды.
Тизмеге Россиянын суюлтуган газ өндүрүү боюнча завод жана “Газпром СПГ Портовая” деңиз терминалы, “Новатека” долбоору, “Аркти – 2”, ошондой эле Кыргызстандын “Борбор Азия капитал Банк” банкы жана А7 трансчекаралык платформасы кирген.
Юридикалык жактар тизмесине Учкучсуз системалар жана технологиялар борбору, россиялык Zservers компаниясы жана Xhost Internet Solutions провайдери кирген.
Эске салсак, буга чейин Евробиримдик Россияга каршы 19-санкциялар пакетин бекиткен. Анда чектөөлөр Россия банктарына, компанияларына эле эмес, Борбор Азия өлкөлөрүндөгү, Кытай, Индия, Таиландагы бизнестерге да киргизилген.
Бул санкциялар пакетинин тизмесине кыргызстандан “Олд Вектор” жана “Гринекс” ЖЧКлары кирген.
