Салык кызматы е-отчеттордон салыкты төлөө функциясын киргизди

cabinet.salyk.kg  сайтынын “Салык төлөөчү” кабинетинде жана  Salyk колдонмосунда салыктарды электрондук отчеттердон түздөн-түз төлөп коюучу функциялар киргизилди. 

Бул жаңы функция реквизиттерди толтурууда каталарды кетирбөөгө жана ишкерлердин убактысын үнөмдөөгө багытталган. Эми система тапшырылган документте көрсөтүлгөн маалыматтардын негизинде автоматтык түрдө төлөм суммасын түзөт. Колдонуучу мурдагыдай талааларды толтуруп, цифраларды колго терип отурбайт. 

Бул кызматты кантип колдонсо болот?

1. Cabinet.salyk.kg.порталына кирет;

2.    “Е-отчеттор” бөлүмүнөн “Электрондук журналдар отчетторду” ачат.

1.    “Аракеттер” кнопкасын басып, "Төлөө” пунктун тандайт. 

2.    Система варианттарды сунуштайт: төлөм кодун түзүү, QR-код же төлөмдү банк картасы менен жүргүзүү.

Salyk колдонмосу аркылуу кантип төлөнөт?

1.    “Е-отчеттор” бөлүмүнө кирип, журналдарды тандайт.

2.    “Төлөө” кнопкасын басат. 

3.    Банктык колдонмолор тизмеси чыгат. Өзүнүн банкын тандайт жана система deep link аркылуу транзакцияны бышыктоо үчүн электрондук капчыкка багыттайт. 

Функция бардык салыктык формаларга жеткиликтүү, бирок айрым өзгөчөлүктөр бар. Ушул тапта төмөндөгү отчеттор үчүн түз төлөө жүргүзүлбөйт:

• FORM STI-161 (киреше салыгы менен социалдык камсыздандыруу);
• *FORM STI-176 (пайдалуу кендерди изилдөө жана издөө үчүн лицензияларды кармап туруу жыйымы) 
•  FORM STI-177 (кен байлыктарды иштетүүгө лицензияларды кармап туруу төлөмү)  

Иштеп чыгуучулар жогоруда көрсөтүлгөн формалар үчүн да төлөө функцияларын иштеп чыгуу үстүндө иштеп жатышат.