ЖКнын комитети насыялык маалымат алмашуу жөнүндө мыйзам долбоорлорун жактырды
Бүгүн, ЖКтин Финансы, бюджет, ишкердик жана атаандаштыкты өнүктүрүү боюнча комитетинин отурумунда «Насыялык маалымат алмашуу жөнүндө» КРнын Мыйзамына өзгөртүүлөрдү киргизүү тууралуу» мыйзам долбоору кароого сунушталып, ал биринчи окууда колдоо тапты.
Жыйында баяндама жасаган экономика жана коммерция министринин орун басары Беназир Нурланова, мыйзам долбоорунун максаты насыялык маалымат чөйрөсүндөгү мыйзамдарды өркүндөтүү, жарандардын жана ишкерлердин насыялык ресурстарга жетүү мүмкүндүгү үчүн кыйла жагымдуу шарттарды түзүү болуп саналаарын белгиледи.
Билдирүүгө караганда, мыйзам долбоорунун башкы милдети насыялык маалыматтарды сактоо мөөнөттөрүн кыскартуу болуп саналат, бул зайымчылардын насыяларга жетүүсүн жеңилдетип, банк системасына жүктү азайтууга жана чакан/орто бизнестин өнүгүшүнө дем берүүгө шарт түзмөкчү.
Мындан тышкары отурумда Министрлер кабинетинин төрагасы тарабынан демилгеленген «КРгы инвестициялар жөнүндө» КРнын Мыйзамына өзгөртүүлөрдү киргизүү тууралуу» мыйзам долбоору биринчи окууда каралып, жактырылды.
