MegaPay Элкарт-HUMO өз ара эквайринг долбооруна кошулду
Элкарт улуттук төлөм системасы менен HUMO өзбек төлөм системасынын ортосундагы өз ара эквайрингди ишке киргизүүнүн алкагында чек ара аркылуу төлөө мүмкүнчүлүктөрү кеңейтилди. Бул жаңы чечим MegaPay колдонуучулары үчүн накталай эмес төлөмдөрдү ого бетер ыңгайлуу кылат жана Кыргызстан менен Өзбекстандын ортосундагы каржылык кызматташтыктын өнүгүшүнө өбөлгө түзөт.
“Элкарт” улуттук төлөм системасынын маалыматына ылайык, MEGA-Элкарт виртуалдык карта ээлери эми Өзбекстанда товарлар жана кызматтар үчүн NFC түзмөктөрүн кошо алганда, HUMO терминалдары аркылуу төлөй алышат. Ал эми HUMO карта ээлери өз кезегинде Кыргызстандагы сатып алуулар үчүн MegaPay POS терминалдары аркылуу төлөм жүргүзүшү мүмкүн болуп калды.
Саякатчылар жана эмгек мигранттары тааныш улуттук төлөм инструменттерин колдонуп, валюта алмаштырбастан төлөмдөрдү жүргүзүп, накталай акча ала алышат. MegaPay менен байланышкан чекене соода жана кызмат көрсөтүүчүлөр эл аралык төлөм системаларына туташуунун кошумча чыгымдарысыз HUMO карталары менен төлөмдөрдү кабыл алууга болот.
