Айыл чарба министри Катар менен Кыргызстан кайсы документтерге кол койгонун кеңири айтып берди
Айыл чарба министри Аскарбек Джаныбеков Катар мамлекетинин эмири шейх Тамим бин Хамад Аль Танинин Кыргызстанга жасаган мамлекеттик сапары тууралуу кеңири айтып берди. Бул тууралуу министрлик билдирди.
Такталгандай, эки өлкө ортосундагы айыл чарба кызматташтыгын өнүктүрүүгө багытталган бир нече документтерге кол коюлган. Биринчи маанилүү документ министрлер кабинети менен Катардын өкмөтүнүн ортосундагы ветеринария тармагында кызматташуу жөнүндө макулдашуу болду. Макулдашуу ветеринардык кызматтардын өз ара аракеттенүсү, тажрыйба алмашуу жана эки өлкө ортосундагы алдыңкы технологияларды өткөрүп берүү үчүн жаңы жолдорду ачат.
Экинчи документ КРнын Айыл чарба министрлиги менен Катардын муниципалитетинин министрлигинин ортосундагы өсүмдүктөрдүн карантини жаатында кызматташуу жөнүндө макулдашуу болуп саналат.
Министр билдирген үчүнчү маанилүү документ тараптардын ортосундагы айыл чарба жана азык-түлүк коопсуздугу жаатындагы өз ара түшүнүшүү жана кызматташуу жөнүндө меморандум болуп саналат. Джаныбеков белгилегендей, бул меморандум айыл чарба тармагында кызматташуунун жаңы горизонтторун ачат, анын ичинде тажрыйба алмашуу, биргелешкен изилдөөлөрдү жүргүзүү, айыл чарба технологияларын өнүктүрүү жана эки өлкөнүн азык-түлүк коопсуздугун камсыздоону жогорулатуу.
