Саясат

Мамлекеттик ипотекага бериле турган батирлерди Нариман Түлеевдин туугандарынын компаниясы курат

Назира Абдиева

22 авг. 2023 10:10

"Политклиника" порталынын журналисттери Мамлекеттик ипотекага (МИК) бериле турган батирлерди Бишкек шаарынын мурдагы мэри Нариман Түлеевдин туугандарына таандык "Экспострой курулуш компаниясы" ЖЧКсы курары тууралуу маалыматты фактчек материалы менен далилдешти.

Аталган медиа "Экспострой курулуш компаниясы" ЖЧКсынын Нариман Түлеев менен байланышын текшерип көргөн.

Кыргыз фондулук биржасынын ушул жылдын 1-августунда берген маалыматына ылайык, МИК "Экспострой курулуш компаниясы" ЖЧКсы менен МИК ААКнын жер участокторуна коомдун кызыкчылыгында турак жай комплексин долбоорлоо, каржылоо жана куруу боюнча ири келишим түзүшкөн.

Макулдашууга ылайык, инвестициялык долбоорго салым катары "Экспострой курулуш компаниясына" баланстык баасы 1 млрд 406 млн 821 миң 828,45 сомдук жалпы аянты 9.64 га эки жер тилкеси убактылуу пайдаланууга берилген.

"Экспострой курулуш компаниясы" ЖЧКсы жана анын айланасындагы чырлар

"Экспострой курулуш компаниясы" ЖЧКсы 2003-жылы негизделип, Бишкек шаарында бир нече ири курулуштарды курган. Мисалы, Исанов көчөсүндө жайгашкан "Доскредобанк" банкынын башкы офисин, "Caravan" соода борборун, "Sapat-Center" бизнес борборун, "Рахат" соода борборун салган.

Юстиция министрлигинин сайтында "Экспострой курулуш компаниясы" ЖЧКсынын жетекчиси катары Нариман Түлеевден туугандарынын бири Түлеев Кубанычбек Бексултанович жана юридикалык дареги катары Нариман Түлеевдин үй-бүлөсүнө таандык "ГУМ" соода борбору көрсөтүлгөн.

Мындан сырткары, Нариман Түлеев 2020-жылы Бишкек шаарынын мэринин милдетин аткаруучу болуп турганда (ал бул кызматтан бир күндөн кийин кеткен) "Кактус медиа" редакциясынын журналисти мыйзамсыз курулуштар менен кантип күрөшөрүн жана бир нече жолу мыйзам бузууга айыпталган "Экспострой" курулуш компаниясы тууралуу суроо узаткан. Анда Нариман Түлеев бул компания өзүнө эмес, жакындарына тийиштүү экенин айткан.

"Экспострой" курулуш компаниясынын айланасындагы чырлар тууралуу маалыматтар ЖМКларга байма-бай чыгып турат.

Мисалы, 2014-жылдын 30-декабрында "Экспострой" курулуш компаниясынын курулушундагы өспүрүмдүн өлүмү фактысы боюнча компаниянын ошол кездеги директордун орун басары Нариман Түлеевге айып пул салынып, Мамэкотехинспекциянын эки инспектору иштен алынган. Бул тууралуу "Акипресс" маалымат агенттиги кабарлаган.

Ал эми 2020-жылдын 29-октябрында «Экспострой» курулуш ишканасынан батир сатып алган жарандар курулуштагы мыйзам бузуулар тууралуу Kaktus.media сайтына билдирип, бул иш боюнча кылмыш ишин козгоого болорун айтышкан.

Жарандардын айтымында, 2013-жылы берилиши керек болгон батирлер 2017-жылы толук бүтө элек абалда берилген. Курулган үйдүн сапатына да нааразычылыктар абдан көп болгон.

Жыйынтык: "Экспострой курулуш компаниясы" ЖЧКсы мамлекеттик ипотекага берилүүчү батирлерди курат. Ал эми компания Бишкек шаарынын мурдагы мэри Нариман Түлеевдин жакындарына таандык экени чындык.

Мындан тышкары окуңуз

Бишкек шаарында жана Чүй өрөөнүндө катуу шамал болушу күтүлөт

Өзгөчө кырдаалдар министрлиги катуу шамалга байланыштуу шашылыш билдирүү таратты. Маалыматка ылайык, жакынкы үч саат аралыгында жана күндүз Бишкек шаарында жана Чүй өрөөнүндө күн күркүрөп, батыштан соккон шамалдын ылдамдыгы секундасына 15-20 метрге жеткен каттуу шамал катталышы күтүлөт. ӨКМ жарандарды жолдордо этият болууга жана мүмкүн болсо үйдөн чыкпай турууга чакырат. Кыргызстандын экономика,

Бишкек менен Новосибирск биргелешкен долбоорлорду ишке ашырууну талкуулады

Күн мурун Бишкек шаарынын мэриясында Бишкек шаарынын мэринин биринчи орун басары Кубанычбек Иманалиев менен Новосибирск облусунун Мыйзам чыгаруу жыйынынын төрагасынын орун басары Майис Мамедовдун жолугушуусу өттү. Муниципалитеттин маалыматына ылайык, жолугушуунун жүрүшүндө тараптар эки тараптуу кызматташтыктын кеңири багыттарын талкуулашты. Атап айтканда, шаардык инфраструктураны өнүктүрүү, курулуш жана өнөр жай тармактары, транспорт жана

Мыйзамсыз менчиктештирилген 32 млн сомдук мүлк мамлекетке кайтарылды

Мыйзамсыз менчиктештирилген 32 млн сомдук мүлк мамлекетке кайтарылды. Бул тууралуу Башкы прокуратуранын басма сөз кызматы билдирди. Маалыматка ылайык, Бишкек шаарынын Октябрь районунун прокуратурасы тарабынан жүргүзүлгөн текшерүүдө, 1993-1997-жылдары мамлекеттик менчикте турган спорт комплекстин аймагындагы сүзүү бассейнине тиешелүү 174,6 чарчы метрди түзгөн көмөкчү жайлар мыйзамсыз түрдө жеке жактарга өтүп кеткендиги аныкталган.

"Ак-Өргөдө" муниципалдык аймакты бошотуу иштери уланууда

16-майда Бишкек шаарынын мэриясынын Жер пайдаланууну контролдоо башкармалыгы тарабынан "Ак-Өргө" конушундагы Б. Алыкулов көчөсүндө муниципалдык аймакты бошотуу иштери жүргүзүлдү. Бул тууралуу мэриядан билдиришти. Демонтаж иштеринин жүрүшүндө төмөнкүлөр алынган: •даараткана — 7 даана (50 чарчы метр); •капиталдык курулуштан тосмо — 60 м; •жеңил конструкциядагы тосмолор — 40 м; •тор тосмолор — 250 м;