Саясат

Миллиондор абага. Садыр Жапаровдун Венгрияга учканына 7 млн сомдой кеткен болушу мүмкүн — Temirov Live

Ишкер Media

25 авг 2023 14:14

Президент Садыр Жапаровдун Венгрияга учуп барып келгенине 7 млн сомдой сарпталган болушу мүмкүн. Бул тууралуу Temirov Live каналынын иликтөөчү журналисттери билдирди.

Журналисттердин айтымында, Садыр Жапаров жакында Катар авиакомпаниясынын Qatar Executive A7-HHJ учагы менен Венгрияга учуп кеткен. Aviapages порталынын маалыматтарына таянып, журналисттер бир адамга 74.5 миң еврону, болжол менен 7.1 млн сомду түзгөн рейстин баасын эсептеп чыгышкан. Журналисттер Бишкектен Будапештке кадимки билеттин болжолдуу баасы 500 долларды түзөрүн белгилешти.

Эске салсак, Садыр Жапаров ушул жылдын июль айында Сауд Аравиясына Air X Chapter компаниясынан Embraer Lineage 1000 аттуу жеке бизнес учагы менен учуп кеткен. Ошол эле учурда анын администрациясы күйүүчү майга гана акча төлөгөнүн билдирген.

Мамлекет башчысы дал ушул компаниянын кызматынан бир нече жолу пайдаланганын кошумчалайбыз. Мисалы, анын учактары менен Түркияга жана Шотландияга учуп кеткен. Анда Factchek.kg. медиасынын журналисттери мындай учакта бир саат учуунун баасы 14.85 миң доллар экенин аныкташкан.

Кошумчалай кетсек, Кыргызстандын президенти үчүн эконом класстагы учактар да жат эмес. Анткени мындай учак менен Жапаров жакында Камчыбек Ташиев менен бирге Жалал-Абад облусуна учкан.

Мындан тышкары окуңуз

Өлкөдө каттоого алынган кылмыштуулук 78%га азайганы айтылды

Акыркы жылдары милиция кызматкерлеринин айлык маяналары эки эсеге жогорулатылды. Бул тууралуу министрлер кабинетинин төрагасы Адылбек Касымалиев бүгүн милиция кызматкерлерин кесиптик майрамы менен куттуктаганда билдирди. Анын айтымында, акыркы төрт жылда ИИМдин автопаркы 95 пайызга жаңыланган. "Бардык талаптарга жооп берген автоунаалар, күжүрмөн аскердик техникалар алынып, пайдаланууга берилди, 200дөн ашуун ар кандай

Милиция кызматкерлеринин айлыгы жана ардагерлердин пенсиясы көбөйөт

Өлкөдө ички иштер органдарынын кызматкерлеринин маянасы жана ардагерлердин пенсиялары жогорулатылды. Бул тууралуу президент Садыр Жапаров бүгүн кыргыз милициясынын түзүлгөндүгүнүн 102 жылдыгы менен куттуктаганда айтты. "Буюрса, ушул жылдын 1-декабрынан баштап, жогорулаган айлыктарды жана пенсияларды алып баштайсыздар", - деди президент. Өлкө башчысы милициянын 102 жылдыгына карата 102 даана жаңы автоунаалар

Нарында көпүрөнүн курулушуна 262 миң сом бөлүндү

Нарын районунун Учкун айыл аймагына караштуу Кыз-Мазар участкасында жаан-чачындан улам бузулган жолду калыбына келтирүү жана көпүрө куруу иштери жүргүзүлүп жатат. Бул туурасында райондук администрациядан билдирди. Маалым болгондой, көпүрөнүн курулушуна "Кемп Ала-Тоо" коомдук уюмунан 262,2 миң сом бөлүнүп, керектүү материалдар алынган. Мындан тышкары, азык-түлүк

Бишкекте бир күндө 500дөн ашык көчөт отургузулду

31-октябрда Бишкек шаарынын мэри Айбек Жунушалиевдин катышуусунда бак-дарактарды отургузуу боюнча экологиялык акция өттү. Бул тууралуу шаар мэриясынан билдирди. Маалыматка караганда, Иманалы Айдарбеков көчөсүндөгү бульварга 64 эмен жана ясень дарактарынын көчөтү отургузулду. Акцияга шаардык активисттер жана жаштар да катышты. "Бир да дарак сугатсыз калбашы керек. Президенттин тапшырмасы бар: