Саясат

Садыр Жапаров Ирандын президенти Сейед Эбрахим Раиси менен жолугушту

Сапар Акунбеков

19 сен 2023 10:30

Президент Садыр Жапаров Нью-Йоркто өтүп жаткан БУУнун Башкы Ассамблеясынын 78-сессиясынын алкагында Иран ислам республикасынын президенти Сейед Эбрахим Раиси менен жолугушту. Бул тууралуу президенттин пресс-катчысы Эрбол Султанбаев билдирди.

Өлкө лидерлери эки тараптуу кызматташтыктын саясий, соода-экономикалык, маданий-гуманитардык жана башка чөйрөлөрдөгү артыкчылыктуу багыттарын талкуулашты.

Ирандын Президенти Сейед Эбрахим Раиси эки тараптуу мамилелерди жаңы деңгээлге чыгаруу үчүн эки өлкөнүн жакшы мүмкүнчүлүктөрү жана жогорку потенциалы бар экендигин белгиледи.

Товар жүгүртүүнүн учурдагы көлөмү жөнүндө айтып жатып, Сейед Эбрахим Раиси анын деңгээлинин төмөндүгүн белгилеп, буга байланыштуу аны көбөйтүү үчүн бардык күч-аракеттерди жумшоону сунуштады. Бул контекстте ал эки тараптуу биргелешкен Өкмөттөр аралык комиссиянын ишин активдештирүүнүн маанилүүлүгүн белгиледи.

Мамлекет башчысы Иран Президентинин өлкөлөр ортосундагы соода-экономикалык кызматташтыкты тереңдетүү тууралуу демилгесин колдоп, инвестициялык өз ара аракеттенүүгө да өзгөчө маани берди.

Бул контекстте Садыр Жапаров логистика маселесин чечүү зарылдыгын белгилеп, "Кытай-Кыргызстан-Өзбекстан" темир жолун куруунун маанилүүлүгүн баса белгиледи. Бул долбоор соода-экономикалык жактан жаңы мүмкүнчүлүктөрдү берет.

Мындан тышкары Президент кыргыз-иран өкмөттөр аралык биргелешкен комиссиянын ишмердүүлүгүнүн маанилүү ролун белгилеп, Комиссиянын кезектеги жыйынын ушул жылдын аягына чейин Бишкекте өткөрүүнү сунуштады.

Мындан тышкары окуңуз

Өлкө башчы Базар-Коргон эли менен жолукту

Президент Садыр Жапаров бүгүн, 22-октябрда, Жалал-Абад облусуна болгон иш сапарынын жүрүшүндө Базар-Коргон районунун активи жана тургундары менен жолугушту. Мамлекет башчысы райондун бюджетинин кыйла өскөнүн айтып, өздүк бюджеттик каражаттардын көбөйүшү менен катар аймак социалдык-экономикалык өнүгүү үчүн республикалык бюджеттен да олуттуу каржылык колдоо алып жатканын баса белгиледи. "

Өлкөгө акыркы 6 айда 1,9 миллион эс алуучу келген

2026-жылдын 6 айында өлкөгө 1,9 миллион эс алуучу келип, башка жылдарга салыштырмалуу 1,4 эсеге өскөн. Бул тууралуу Улуттук статистика комитетинен билдирет. Маалыматка ылайык, туризм тармагында түзүлгөн дүң кошумча нарк 34 миллиард сомду түзүп, өлкөнүн ички дүң продукциясынын 3,6 пайызына барабар болгон. "2026-жылдын 1-июлуна

Өлкөдө энелердин өлүмү 34,4 пайызга азайганы айтылды

Кыргызстанда 2026-жылдын 9 айында кош бойлуулук, төрөт жана төрөттөн кийинки мезгилде энелердин өлүмүнүн 23 учуру катталган. Бул өткөн жылдын ушул мезгилине салыштырмалуу 34,4 пайызга төмөн. Саламаттык сактоо министрлигинин маалыматына ылайык, үй-бүлөнү пландоо кызматтарынын жеткиликтүүлүгүн камсыз кылуу артыкчылыктуу багыттардын бири болуп саналат. Мекеме мамлекет тарабынан заманбап контрацепция каражаттарын

Кыргызстан экспортко басым жасаган жаңы экономикалык моделге өтөт

Президент Садыр Жапаров 21-октябрда өткөн республикалык кеңешмеде өлкө экспортко багытталган индустриалдык өнүгүү моделине өтөрүн билдирди. Өлкө башчысы белгилегендей, ал экспорттук кызмат көрсөтүүлөргө жана кошумча наркы жогору турган кайра иштетүү өнөр жайынын продукциясын экспорттоого негизделет. "Экспорттук мүмкүнчүлүктөрүбүздү толук пайдалануу үчүн соода жана бажы саясаты түп-тамырынан кайра каралып, жаңыланат.