Саясат

Депутаттар Кытайдын Нинся-Хуэй автономдук районунун делегациясы менен жолугушту

Сапар Акунбеков

20 ноя 2023 10:30

2023-жылдын 17-ноябрында Жогорку Кеңештин депутаттары Кытайдын Нинся-Хуэй автономдук районунун Элдик саясий кеңешинин төрагасы Чень Юн баштаган делегация менен жолугушту. Бул тууралуу парламент билдирди.

Жолугушууга Жогорку Кеңештин депутаттары, Кытай Эл Республикасы менен кызматташтык боюнча достук тобунун мүчөлөрү Карим Ханджеза, Эмиль Токтошев, ошондой эле “Ынтымак” фракциясынын лидери Марлен Маматалиев, эл өкүлдөрү Гүлшаркан Култаева, Аида Исатбек кызы катышты.

Тараптар эки өлкө ортосунда соода-экономикалык, тагыраагы, айыл чарба продукцияларын кайра иштетүү, туризм, билим берүү тармактары боюнча кызматташуу тууралуу сөз кылышты.

Жогорку Кеңештин депутаты Карим Ханджеза Нинся-Хуэй автономдук районунун Элдик саясий кеңешинин мүчөлөрүнө ыраазычылыгын билдирип, Кыргызстан менен Кытайдын ортосундагы көп жылдык карым-катыш үзүрлүү уланып, достук жана кызматташтык мамилелер динамикалуу өнүгүп келе жатканын белгиледи. Депутат Карим Ханджеза Кытайдын Нинся-Хуэй автономдук районунда көмүртектүү активдерди өндүрүү өтө жогорку деңгээлде экенин, ал өндүрүштү Кыргызстанда да өнүктүрүү үчүн кошуна өлкөнүн тажрыйбасын алуу зарылыдыгына токтолду.

Депутаттар Марлен Маматалиев, Гүлшаркан Култаева Кыргызстан агрардык өлкө экенин белгилеп, кайра иштетүү тармагындагы кыргызстандык ишкерлерге Кытайга барып, тажрыйба алууга жол ачып берүү тууралуу айтышты.

Өз кезегинде Нинся-Хуэй автономдук районунун Элдик саясий кеңешинин төрагасы Чень Юн ар тараптуу кызматташууга даяр экенин билдирди.

Тараптар бул өңдүү жолугушуулар эки тараптуу мамилени чыңдоого түрткү берип, кызматташтыктын приоритеттүү багыттарын аныктоого көмөкчү болорун белгилешти.

Мындан тышкары окуңуз

Бишкектин 7-кичи районунда таза суу берилбейт

Бишкек шаарынын 7-кичи районунда 3-ноябрда саат 10:00дөн 22:00гө чейин таза суу берүү токтотулат. Бул тууралуу мэриядан маалымдады. Билдирүүгө ылайык, бул күнү аймактагы суу түтүгүндө оңдоп-түзөө иштери жүргүзүлөт. Өчүрүү 7-кичи райондун №33, 34, 34/1, 35, 36, 37, 38, 38/1, 39, 40, 41, 43,

Талас жана Баткенде финансылык сабаттуулук боюнча лекциялар өттү

Талас жана Баткен облустарында Дүйнөлүк каражат топтоо күнүнө карата мектеп окуучулары жана студенттер үчүн финансылык сабаттуулук боюнча лекциялар өткөрүлдү. Бул тууралуу Улуттук банктан билдиришти. Маалыматка ылайык, 27–30-октябрь күндөрү Улуттук банктын Талас облустук башкармалыгынын өкүлдөрү Талас, Бакай-Ата, Айтматов жана Манас райондорундагы төрт мектептин жогорку класстарынын окуучуларына лекция өтүштү.

Кыргызстанда баалуу кагаздар рыногун жөнгө салуунун жаңы эрежелери бекитилди

Министрлер кабинети баалуу кагаздар рыногунун ишин жөнгө салууга багытталган жаңы жоболорду бекитти. Тиешелүү №732 токтом 2026-жылдын 29-октябрында кабыл алынды. Бул тууралуу Финкөзөмөлдөн билдиришти. Документке ылайык, Улуттук депозитарийдин ишинин өзгөчөлүктөрү жөнүндө жобо жана Баалуу кагаздардын бирдиктүү мамлекеттик реестрин жүргүзүү, ошондой эле баалуу кагаздардын чыгарылышына мамлекеттик каттоо номерин берүү тартиби

Германия менен Улуу Британия Борбор Азиядагы климаттык долбоорго каражат бөлөт

Жаратылыш ресурстары министри Акыл Токтобаев Германиянын Эл аралык кызматташтык коомунун (GIZ) Кыргызстандагы жана Тажикстандагы өкүлчүлүгүнүн жетекчиси Виктор Вецель менен жолугушту. Бул тууралуу министрликтин басма сөз кызматы кабарлады. Маалымдалгандай, жолугушууда айлана-чөйрөнү коргоо, туруктуу өнүгүү жана климаттын өзгөрүшүнө каршы күрөшүү боюнча кызматташтык маселелери талкууланды. Жыйынтыгында тараптар "Борбордук Азияда климаттык тобокелдиктерди