Бийлик

Ташкентте кыргыз-өзбек сүйлөшүүлөрү өттү

Чынгыз Керимбеков

22 дек. 2023 10:45

2023-жылдын 21-декабрында Ташкентте Кыргызстан менен Өзбекстандын тышкы иштер министрликтеринин саясий кеңешмелеринин кезектеги раундунун алкагында эки тараптуу кыргыз-өзбек сүйлөшүүлөрү өттү. Бул тууралуу ТИМ билдирди.

Сүйлөшүүлөрдүн жүрүшүндө эки тараптуу мамилелердин актуалдуу маселелери, анын ичинде бийик жана жогорку деңгээлде мурда жетишилген макулдашууларды ишке ашыруу маселеси талкууланды.

Тараптар эки мамлекеттин ортосундагы саясий байланыштардын жогорку деңгээлин жана эл аралык аренада натыйжалуу кызматташууну баса белгилеп, саясий жана дипломатиялык өз ара аракеттенүүнүн формаларын өркүндөтүү зарылдыгын белгилешти.

Кыргызстан менен Өзбекстан ортосунда дипломатиялык мамилелердин түзүлгөндүгүнүн 30 жылдыгына тарыхый маанисин таанып, делегация башчылары кылымдардан бери калыптанган бекем достук, ынак коңшулук, өз ара урматтоо салттарынын негизинде кыргыз-өзбек баарын камтыган стратегиялык өнөктөштүгүнүн жогорку деңгээлин сактоонун маанилүүлүгүн белгилешти.

Министрлер эл аралык уюмдардын алкагында эл аралык жана аймактык күн тартибинин актуалдуу маселелери боюнча эки өлкөнүн маанилүү глобалдык демилгелерин жана сунуштарын өз ара колдоонун калыптанган практикасын жогору баалашты.

Кыргызстан менен Өзбекстандын ортосундагы экономикалык мүмкүнчүлүктөрдү кеңейтүүгө жана эки өлкөнүн калкынын бакубаттуулугунун деңгээлин сактоого багытталган эки тараптуу соода-экономикалык кызматташтыкты өнүктүрүү маселелери талкууланды.

Сүйлөшүүлөрдө ошондой эле транспорт-логистика, суу-энергетика, маданий-гуманитардык чөйрөлөрдөгү өз ара кызматташуунун актуалдуу маселелери, эки тараптуу келишимдик-укуктук базаны кеңейтүү жана консулдук чөйрөдө өз ара аракеттенүү маселелери талкууланды.

Жемиштүү сүйлөшүүлөрдүн жыйынтыгында министрлер тийиштүү протоколго кол коюшту.

Мындан тышкары окуңуз

Россия Мамдумасынын депутаты жеңил өнөр жай импортуна КНС киргизүүнү сунуштады

Россиянын ЛДПР партиясынын төрагасы Леонид Слуцкий Россияда эле өндүрүлүп жаткан жеңил өнөр жай продукциясынын айрым түрлөрүнө импорт учурунда КНС (кошумча нарк салыгы) салууну сунуштады. Ал эми Россияда чыгарылбаган — чийки зат, кездемелер, фурнитура жана компоненттерди — бажы төлөмүсүз алып келүү режимин сактап калуу керектигин билдиргенин партиянын басма сөз кызматы маалымдады. Ал өз

Мамлекеттик салык кызматы планшеттерди сатып алуу боюнча тендер жарыялады

Мамлекеттик сатып алуулар порталынын маалыматына ылайык, 150 даана планшет сатып алууга жалпысынан 5 млн 173 миң 500 сом бөлүү пландалууда. Техникалык талаптарга ылайык, планшеттердин түсү кара же боз болушу керек. Ички эс тутумунун көлөмү кеминде 256 гигабайтты, оперативдик эс тутуму кеминде 8 гигабайтты түзүүгө тийиш. Ошондой эле кепилдик мөөнөтү эки

Орбитадагы космонавттар күнүнө 400 доллардан киреше табат

Bloomberg агенттигинин орус тилиндеги версиясында жарыяланган маалыматка ылайык, орусиялык космонавттар орбитадагы алты айлык экспедиция учурунда болжол менен 5,5 миллион рубль киреше табышат. Космонавт Сергей Рязанскийдин айтымында, космоско учуп жүргөн мезгилде анын күнүмдүк кирешеси орто эсеп менен 400 долларды түзгөн. Стандарттуу алты айлык миссиянын ичинде бул сумма 72 миң долларга

Оштогу тигүү фабрикасында 600дөй жумушчу орун түзүлөт

Улуттук инвестициялар агенттигинин жетекчиси Равшанбек Сабиров Кара-Суу районунун Кашгар-Кыштак айылында жайгашкан "Евразия Групп" компаниясынын тигүү фабрикасына иш сапары менен барды. Сапардын негизги максаты — фабриканын экинчи этабын куруу боюнча инвестициялык долбоордун ишке ашырылышы менен таанышуу болду. Долбоордун биринчи жана кийинки этаптарын кошкондо жалпы инвестициянын көлөмү 40 миллион долларды түзөт.