Саясат

Садыр Жапаров БАЭнин энергетика жана инфраструктура министри менен сүйлөшүүлөрдү жүргүздү

Сапар Акунбеков

13 фев 2024 12:51

Президент Садыр Жапаров Дубайда БАЭ энергетика жана инфраструктура министри Сухэйл Аль-Мазруи менен сүйлөшүүлөрдү өткөрдү. Бул тууралуу мамлекет башчысынын маалымат кызматы билдирди.

Жолугушуунун жүрүшүндө эки тараптуу кызматташууну мындан ары кеңейтүү, дипломатиялык, соода-экономикалык байланыштарды чыңдоо, биргелешкен инфраструктуралык жана энергетикалык долбоорлорду ишке ашыруу маселелери талкууланды.

Буга чейин жетишилген келишимдерди ишке ашыруу маселелерине токтолуп, мамлекет башчысы Masdar компаниясы тарабынан күн электр станциясынын курулушуна өзгөчө маани берилерин айтып, Кыргызстан аталган долбоордун алкагында өз милдеттенмелерин өз убагында аткарарын баса белгиледи.

Президент ошондой эле БАЭнин президенти шейх Мухаммад бин Заед Аль Нахайянды Кыргызстанга расмий сапар менен келип кетүүгө чакырганын эске салды. Ал бул сапар өлкөлөр ортосундагы мамилелерди мындан ары да бекемдөөгө түрткү берерине ишенимин билдирди.

Өз кезегинде Сухэйл Аль-Мазруи Садыр Жапаровго Дүйнөлүк Өкмөттөр Саммитине катышууга чакырууну кабыл алгандыгы үчүн ыраазычылык билдирип, БАЭнин Президенти шейх Мухаммед бин Заед Аль Нахайяндын, Премьер-министр, Дубайдын башкаруучусу шейх Мохаммед бин Рашид Аль Мактумдун, ошондой эле Вице-президент Мансур ибн Заед Аль Нахайяндын жолдогон саламдарын жеткирди.

Энергетика жана инфраструктура министри Сухэйл Аль-Мазруи быйыл Кыргызстанга БАЭнин соода миссиясы келерин, ага соода-экономикалык байланыштарды бекемдөө үчүн ири эмираттык компаниялардын өкүлдөрү кирерин кошумчалады.

Мындан тышкары окуңуз

2027-жылы республикалык бюджеттин кирешеси 727,3 млрд сом болоору божомолдонууда

2027-жылы республикалык бюджеттин кирешелери 727,3 млрд сом өлчөмүндө, чыгашалары 694,8 млрд сом өлчөмүндө күтүлүүдө. Республикалык бюджеттин профицити 32,5 млрд сом деңгээлинде болжолдонууда. Мындай маалымат Финансы министрлигинде КРнын “2027-жылга республикалык бюджет жана 2028–2029-жылдарга пландык мезгил жөнүндө” мыйзамынын долбоору боюнча коомдук угуу маалымдалды. Финансы министрлигинин

Кыргызстан Бангкокто эл аралык төлөм системасын өнүктүрүү боюнча сүйлөшүүлөргө катышты

15-октябрында Бангкок шаарында Кыргыз Улуттук банкы эл аралык финансы коомчулугу менен төлөм системасын өнүктүрүү багыттарын талкуулады. Бул тууралуу мекеменин маалымат кызматы кабарлады. Маалыматка ылайык, талкуу Эл аралык валюта фонду жана Дүйнөлүк банктын жылдык жыйындарынын алкагында өткөн "GFTN Select Thailand" иш-чарасында болду. Ага Улуттук банк Башкармасынын мүчөсү

Чет өлкөдө соттолгон жарандарды Кыргызстанга өткөрүп алуу маселеси талкууланды

Башкы прокурор М.Бектургановдун тапшырмасы боюнча Башкы прокуратурада чет мамлекеттердин, анын ичинде РФнын аймагында эркиндигинен ажыратууга соттолгон КРнын жарандарын жазасын андан ары КРда өтөө үчүн жарандыгы бар мамлекетине өткөрүп берүү маселелерине арналган ведомстволор аралык кеңешме болуп өттү. Аталган органдын басма сөз кызматы кабарлагандай, кеңешмеге КРнын Президентинин Администрациясынын, Жогорку Кеңешинин, Жогорку

Оңой акча табам деп кылмышка аралашпаңыз: милиция дроперлер тууралуу эскертти

Банк картаңызды башка бирөөгө колдонууга берүү же өз эсебиңиз аркылуу бейтааныш адамдардын акчасын которуу сизди мыйзамсыз каржылык операцияларга аралаштырып коюшу мүмкүн. Бишкек шаардык милициясы жарандарды дропер болуп калуудан сак болууга чакырууда. Бул тууралуу Бишкек шаардык ички иштер башкы башкармалыгы Кыргыз экономикалык университетинде өткөн киберкылмыштуулуктун алдын алуу боюнча лекцияда, студенттерге эскертти.