Бийлик

Бакыт Төрөбаев: Өлкө 2025–2026-жылдардагы күз-кыш мезгилине толук даяр

Ишкер Media

20 нояб. 2025 17:04

Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Төрөбаев өлкөнүн экономика тармактары жана калкы 2025–2026-жылдардагы күз-кыш мезгилине толук даяр экенин билдирди. Бул тууралуу өкмөттүн басма сөз кызматынан билдиришти.

Республикалык даярдыкка ылайык, көмүрдүн жалпы запасы 3 174,792 миң тонна болушу керек. Бюджеттик мекемелер үчүн 203,54 миң тонна (89%), калкка 994,69 миң тонна (96,6%) көмүр камсыздалды. Социалдык көмүр сатуу үчүн 144 база иштеп жатат.

Гидроэнергетика тармагында: Таш-Көмүр жана Камбар-Ата-2 ГЭСтеринде бирден гидроагрегат капиталдык оңдоодон өттү; Күрп-Сай жана Шамалды-Сай ГЭСтеринде оңдоо иштери жүргүзүлдү; Токтогул ГЭСинин кубаттуулугу 1200 МВттан 1440 МВтка көбөйдү; Үч-Коргон ГЭСинде 4 гидроагрегат иштеп, анын 2өө жаңыланды (18 МВтка өсүү).

Жылуулук электр борборлорунда пландуу оңдоп-түзөө иштери бүткөрүлдү. Электр тармактарында 1320,9 км жогорку чыңалуудагы линиялар, 3076,7 км төмөнкү чыңалуудагы линиялар оңдодон өттү; 50,5 МВА кубаттуулуктагы 4 трансформатор жана 3 292 көмөк чордон оңдолду; курулуш жана реконструкция иштери 100%дан ашык аткарылды.

Бишкек ЖЭБинде 280 миң тонна көмүр жана 4,2 миң тонна мазут бар (былтыр 242 миң тонна), Ош ЖЭБине 20,8 миң тонна мазут жеткирилди (былтыр 12,9 миң тонна). Жаратылыш газы боюнча 2025-жылы 100 км газ куурлары курулуп, 13 530 жаңы керектөөчү кошулду; жыл аягына чейин Бишкек жана Чүй облусунун аймактарына газ берилет.

Күйүүчү-майлоочу майдын кору республиканын бардык нефтебазаларында туруктуу. Министрлер Кабинети мунай продуктуларынын жеткиликтүүлүгүн камсыз кылуу үчүн Казакстан, Беларусь жана Азербайжан менен сүйлөшүүлөр жүргүзүп, ички рынокту толтуруу иштерин улантууда.

Мамлекеттик жана муниципалдык органдар калкка, социалдык объекттерге көмүрдүн, күйүүчү-майлоочу майдын жеткиликтүүлүгүн, жылуулук жана электр энергиясын үзгүлтүксүз камсыздоону көзөмөлдөп, пландын аткарылышын камсыз кылууда.

Мындан тышкары окуңуз

Н.Түлеев: "Бул жер Кыргызстандын Монте-Карлосу болот"

Бишкектин Чүй проспектисиндеги курулуп жаткан Old Bishkek комплексинин айланасында кызуу талаш боюнча "Кабар" маалымат агенттиги аталган долбоордун жетекчиси Нариман Түлеевден жогоруда айтылган пикирлер боюнча жооп алган. Н.Түлеевдин айтымында, бул долбоор толук бүткөн соң Кыргызстандын Монте-Карлосу болот. Ал шаар тургундарын сабыр кылып, бир аз күтө турууну өтүндү. “Бул

АӨБ Борбор Азиядагы долбоорлорго 10 млрд доллар инвестиция салууну пландоодо

Азия өнүктүрүү банкы (АӨБ) Борбор Азиянын регионалдык экономикалык кызматташтык (БАРЭК) программасына колдоону күчөтүп, 2030-жылга чейин долбоорлор жана демилгелер үчүн 10 миллиард АКШ долларынан ашык инвестиция салууну пландап жатканын жарыялады. Бул тууралуу Экономика жана коммерция министрлигинен билдиришти. Бул билдирүү Бишкекте өткөн БАРЭКтин 24-Министрлер конференциясында жасалды. АӨБнын Президенти Масато Канда экономикалык жана

Улуттук банктын токтомунун долбоору коомдук талкууга сунушталды

Улуттук банктын Башкармасынын «Регулятивдик банктык отчет жөнүндө» жобону бекитүү тууралуу» токтомуна өзгөртүү киргизүү жөнүндө» токтом долбоору коомдук талкууга сунушталды. Токтом долбоорунда жашыл каржылоо продуктулары жана гендердик дезагрегацияланган маалыматтарды топтоо үчүн, коммерциялык банктардын регулятивдик банктык отчетуна толуктоолор, ошондой эле коммерциялык банктардын регулятивдик банктык отчетунун айрым бөлүктөрүн берүү мөөнөттөрүн өзгөртүү каралган. Токтом

Ошто жашылдандыруу мекемесинин жаңы имараты пайдаланууга берилди

Бүгүн “Оштогу көрктөндүрүү жана жашылдандыруу чарба комбинаты” муниципалдык ишканасынын жаңы имараты расмий ачылды. Бул тууралуу муниципалитеттен билдирди. Жаңы курулган имараттын жалпы аянты 7 304 чарчы метрди түзөт. Анда административдик бөлүм, чарбалык жай, суу кампасы, ашкана, кампа, унаа жуучу жай, жуунучу жай, унаа токтотуучу жай жана башка заманбап шарттар каралган. Долбоор