Ак-Суу районунда 32 техникасы менен МТС ачылды
Ак-Суу районунда машина-трактор станция уюшулганын Суу ресурстары, айыл чарба жана кайра иштетүү өнөр жайы министрлиги билдирди.
Аталган станция Түп, Ак-Суу жана Жети-Өгүз райондорунда картошка өндүрүүнүн көлөмүн көбөйтүү, өндүрүлгөн продукциянын сапатын жогорулатуу жана анын өздүк наркын төмөндөтүү, азык-түлүк коопсуздугун камсыз кылуу жана социалдык-экономикалык абалды жакшыртуу максатында ишке ашырылган.
МТС уюштуруу үчүн президенттин фондунан 108 млн сом бөлүнүп берилген. Учурда 32 техника алып келинди. Анын ичинен 10у картошка казуучу комбайн. Дагы 60тан ашык техникага заводдорго буйрутма берилген.
МТСтин материалдык техникалык базасын түзүү үчүн Ак-Суу айылынан 0,54 га жер аянтын ээлеген мурунку Сельэнерго ишканасынын административдик корпусу жана курулуштары өткөрүлүп берилген.
