Кыргызстанда мезгилдик жумуштардын тизмеси расмий бекитилди
Министрлер Кабинети мезгилдик жумуштардын тизмесин бекитүү тууралуу токтом кабыл алды. Тиешелүү чечимге МинКаб Төрагасы Адылбек Касымалиев кол койду.
Мезгилдик жумуштардын тизмесине төмөнкү багыттар киргизилди:
- Айыл чарба жумуштары;
- Кант кызылчасынан кумшекер чыгарууга байланышкан иштер;
- Мал көп союлган мезгилде этти кайра иштетүү;
- Мөмө-жемиштер, жер-жемиштер жана жашылчаларды жыйноо жана кайра иштетүү;
- Жылытуу системаларын, мештерди, казандарды жана башка түзүлүштөрдү тейлөө;
- Өсүмдүктөргө кам көрүү, газондорду тейлөө жана аймактын эстетикасын колдоо;
- Коноктордун кийимдерин жана жеке буюмдарын кабыл алуу, сактоо жана берүү;
- Өсүмдүктөрдү сугаруу, сугат системаларын орнотуу жана тейлөө;
- Токой чарбасындагы иштер;
- Геологиялык чалгындоо жана ага байланыштуу иштер;
- Геологиялык тармакта, тоо-кен өнөр жайында жана өндүрүштүн башка тармактарында тоо-кен, бургулоо жана маркшейдердик иштер.
Токтом расмий жарыяланган күндөн тартып он күндөн кийин күчүнө кирет.
