Өлкө башчы УКМКнын орун басарларын кызматтан бошотту
Президент Садыр Жапаров УКМКнын бардык орун басарларын кызматтан бошотту. Президенттин администрациясынын маалыматына ылайык, Коопсуздук кеңешинин төрагасынын бир нече орун басары кызматтан бошотулган.
Атап айтканда, кызматтан бошотулган адамдар:
- УКМКнын биринчи орун басары Курванбек Авазов;
- УКМКнын орун басары, Киберкоопсуздукту камсыздоо боюнча координациялык борбордун директору Даниэль Рысалиев;
- УКМКнын орун басары, Антитеррордук борбордун директору Элизар Сманов.
Эске салсак, бүгүн эле УКМКнын төрагасы Камчыбек Ташиев кызматтан кетирилген.
Мындан тышкары, УКМКнын биринчи орун басары — Чек ара кызматынын директору Абдикарим Алимбаев да кызматтан бошотулушу мүмкүн деп болжолдонууда.
