Саясат

JDS программасы мамлекеттик кызматкерлерге жаңы мүмкүнчүлүк түзүүдө

Айгерим Качкынбекова

05 авг. 2026 19:10

Министрлер Кабинетинин төрагасынын орун басары Улан Маматканов Жапония Өкмөтүнүн JDS долбоорунун алкагында Жапонияга окууга жөнөп жаткан Кыргызстандын мамлекеттик жана муниципалдык кызматкерлерин кабыл алды. Бул тууралуу Министрлер Кабинетинин басма сөз кызматынан билдиришти.

Маалыматка ылайык, жолугушуунун жүрүшүндө Улан Маматканов мамлекеттин өнүгүүсү билимдүү, кесипкөй жана жоопкерчиликтүү кадрларга түздөн-түз байланыштуу экенин белгилеп, бул багытта туруктуу колдоо көрсөтүп келе жаткан Жапония Өкмөтүнө, Кыргызстандагы Жапониянын Элчилигине, Жапон эл аралык кызматташтык агенттигине (JICA) жана Жапон эл аралык кызматташтык борборуна (JICE) ыраазычылык билдирди.

Ал ошондой эле Кыргызстан менен Жапониянын ортосунда JDS программасын улантуу боюнча жаңы келишимге кол коюлуп, аны ишке ашырууга 381 миллион иен өлчөмүндө грант бөлүнгөнүн белгиледи. Анын айтымында, бул каражат мамлекеттик кызматкерлердин билимине жана өлкөнүн мамлекеттик башкаруу системасын өнүктүрүүгө багытталган инвестиция болуп саналат.

Быйыл JDS программасынын алкагында Кыргызстандын мамлекеттик жана муниципалдык кызматкерлеринен 20 стипендиат, анын ичинде 19 магистратурага жана 1 докторантурага окууга жөнөп жатат.

Белгилей кетсек, JDS программасы 2006-жылдан бери ишке ашырылып келет. Ушул мезгил аралыгында 300дөн ашуун мамлекеттик жана муниципалдык кызматкер Жапонияда билим алып, кесиптик квалификациясын жогорулатууга мүмкүнчүлүк алды.

Мындан тышкары окуңуз

Министрлик: Тарых музейинин эки кабаты Кытайга берилгени тууралуу маалымат жалган

Желеде Улуттук тарых музейинин 4-5-кабаттары Кытай тарапка өткөрүлүп берилгени тууралуу тараган маалыматтын чындыкка дал келбесин Маданият, маалымат жана жаштар саясаты министрлиги билдирди. Министрликтин маалыматына караганда, музейдин эч бир бөлүгү чет өлкөлүк мекемелерге менчикке, ижарага же туруктуу пайдаланууга берилген эмес. Белгилегендей, “Гармония сулуулукту жаратат: Байыркы Кытай цивилизациясынын көркөм өнөр

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга