Армениянын премьер-министри Никол Пашинян Кыргызстанга келди
Армения Республикасынын Премьер-министри Никол Пашинян Евразия өкмөттөр аралык кеңешинин кезектеги жыйынына катышуу үчүн Кыргызстанга келди. Бул тууралуу Өкмөттүн басма сөз кызматынан билдиришти.
Өкмөт башчысын Ысык-Көл эл аралык аэропортунан Министрлер Кабинетинин төрагасынын орун басары Эрлист Акунбеков тосуп алды.
Евразия өкмөттөр аралык кеңешинин кезектеги жыйыны 6-7-август күндөрү Ысык-Көл облусунун Чолпон-Ата шаарында өтөт.
Жыйынга Евразия экономикалык биримдигине (ЕАЭБ) мүчө мамлекеттердин премьер-министрлери, ошондой эле байкоочу мамлекеттердин делегация башчылары катышат. Анда интеграциялык кызматташтыкты өнүктүрүү, соода-экономикалык байланыштарды кеңейтүү жана бир катар актуалдуу маселелер талкууланары күтүлүүдө.
