Курулуш министрлигинде коррупцияга каршы чаралар күчөтүлөт
Курулуш, архитектура жана турак жай-коммуналдык чарба министрлигинде коррупцияга каршы күрөшүү боюнча жыйын өттү.
Ведомствонун маалыматына ылайык, жыйын министрдин биринчи орун басары Болот Чолпонбаевдин жетекчилиги алдында өтүп, анда министрликтин тутумундагы коррупциялык тобокелдиктерди аныктоо, баалоо, башкаруу жана азайтуу маселелери каралды.
Ошондой эле коррупцияга каршы күрөшүү боюнча 2025–2030-жылдарга карата Мамлекеттик стратегияны ишке ашыруунун алкагында аткарылып жаткан иштер талкууланды.
Болот Чолпонбаев коррупциялык аракеттерди өз убагында аныктоо жана алдын алуу боюнча каралган чараларды сапаттуу жана белгиленген мөөнөттө аткаруунун маанилүүлүгүн белгиледи.
Жыйындын жыйынтыгында түзүмдүк бөлүмдөрдүн жетекчилерине бекитилген иш-чараларды өз убагында аткаруу жана тиешелүү отчетторду белгиленген мөөнөттөрдө тапшыруу тапшырылды.
Министрлик коррупцияга каршы күрөшүү жана ишмердүүлүктүн ачык-айкындуулугун камсыз кылуу артыкчылыктуу багыттардын бири экенин белгиледи.
