Майлуу-Суудагы 1953-жылы курулган стадионду жаңылоо долбоору даярдалат
Жогорку Кеңештин төрагасы Марлен Маматалиев 27-августта Жалал-Абаддын Майлуу-Суу жана Кочкор-Ата шаарларына иш сапары менен барып, бир катар социалдык жана инфратүзүмдүк жыйлардын абалы менен таанышты.
Алгач төрага 1953-жылы курулган Майлуу-Суу шаардык стадионун көрүп, аны жаңылоо боюнча долбоор эки айдын ичинде даярдалып, 2027-жылдын бюджетине киргизүү мерчемделип жатканын билдирди.
Ошондой эле Майлуу-Суудагы №12544 аскер бөлүгүнүн эскилиги жеткен имаратын көрүп, анын базасында аскер лицейин ачуу сунушу каралып жатканын белгиледи.
Иш сапардын алкагында Кыпчак-Талаа – Майлуу-Суу унаа жолундагы калыбына келтирүү иштерин да көрүп чыгып, долбоорду 2027-жылы толук бүтүрүү мерчемделгенин айтты.
Сапардын соңунда Майлуу-Суу жана Кочкор-Ата шаарларынын тургундары менен жолугушууда таза суу, жолдор, социалдык объектилер, жумуш орундарын түзүү жана селдин кесепеттерин жоюу маселелери талкууланды.
Төрага көтөрүлгөн маселелер тиешелүү мамлекеттик органдарга жеткирилип, чечүү боюнча иштер жүргүзүлөрүн билдирди.
