Садыр Жапаров жаңыланган “Манас” аба майданынын абалын текшерди
Мамлекет башчысы Садыр Жапаров ири жаңылоодон кийин “Манас” эл аралык аба майданына пландан тышкары барып, анын абалы менен таанышты. Бул тууралуу президенттин админстрациясынан билдиришти.
Президент аэропорттун аймагын, жүргүнчүлөрдү жана чет элдик делегацияларды тосуп алуу залдарын көрүп чыгып, жакынкы күндөрү өтө турган ШКУ саммити, Дүйнөлүк көчмөндөр оюндары жана башка эл аралык иш-чараларга даярдыкты текшерди.
Президент жооптуу жетекчилерге аба майдандын толук даярдыгын камсыздап, коопсуздукка, тартипке өзгөчө көңүл бурууну тапшырды. Ал алдыдагы эл аралык иш-чаралар Кыргызстандын аброюн чыңдоодо маанилүү экенин белгиледи.
