Шансин көмүр-химиялык индустриалдык корпорациясы Кара-Балтадагы «Джунда» заводунун курулушунун экинчи этабына кирүүгө даярдыгын билдирди. Бул тууралуу КР Соода-өнөр жай палатасы кабарлады.

Такталгандай, палатанын президенти Темир Сариев корпорациянын өкүлдөрү менен жолукту. Жолугуу учурунда корпорациянын өкүлдөрү «Джунданын» курулушун аягына чыгарып К5 евростандарттын мунай заттарын терең иштетүүгө, ошондой эле полипропилен өндүрүшүнө басым жасоо ниетин билдиришти.

Сүйлөшүүлөрдүн жыйынтыгы боюнча КР Соода-өнөр жай палатасы менен Шанси провинциясынын Эл аралык соодага көмөктөшүү боюнча комитетинин ортосунда кызматташуу жөнүндө макулдашууга кол коюлду.