Бишкекте «Кыргызстан-Казакстан» бизнес-форуму өттү. Бул тууралуу КРнын Соода-өнөр жай палатасы маалымдады.

Маалыматка ылайык, иш-чаранын негизги максаты эки тараптуу кызматташтыкты өнүктүрүү жана Кыргызстан менен Казакстандын бизнес өкүлдөрүнүн ортосунда ишкер байланыштарды түзүү болгон.

Кыргызстан менен Казакстандын ишкерлери өз компанияларын, продукцияларын ийгиликтүү көрсөтүп, панелдик талкууларга катыша алышты. Форумга Казакстандан жыйырмадан ашык компания катышып, эки өлкө ортосундагы соода мамилелерин өнүктүрүүгө кызыгуу көрсөтүштү. Бул бизнес-форум Кыргызстан менен Казакстандын ортосундагы экономикалык байланыштарды чыңдоого жана кызматташууну кеңейтүүгө өбөлгө түзүүчү маанилүү иш-чара болуп калды.

Бул эки мамлекетте тең бизнести өркүндөтүп, жаңы өнөктөштүктү орнотуу жана билим алмашуу үчүн жагымдуу шарттарды түздү.