2023-жылы Кыргызстандын электрондук коммерция рыногундагы киреше $480 млн жетет. Бул пикирди Бишкек эл аралык форумунун (BIFF 2023) жүрүшүндө министрлер кабинетинин башчысы Акылбек Жапаров айтты.

Анын айтымында, бүгүнкү күндө КРда 257ге жакын электрондук коммерциялык сайттар иштеп жатат.

Ошол эле учурда электрондук соодадан түшкөн кирешенин жылдык өсүү темпи 13.6%ды түзөт. Натыйжада 2027-жылга карата болжолдонгон рыноктун көлөмү $799 млн жетет, ал эми колдонуучулардын саны 3 млн адамга жакындайт.