Кыргызстандагы 23 коммерциялык банктын ичинен азырынча 8 гана Google Pay төлөм системасын ишке киргизди. Бул тууралуу 25-майда Бишкек эл аралык финансы форумунун (BIFF 2023) жүрүшүндө белгилүү болду.

Visa компаниясынын вице-президенти, Борбордук Азия жана Азербайжан боюнча аймактык менеджери Кристина Дороштун айтымында, Google Кыргызстанда Visa токенизация кызматы пайда болгондон кийин Кыргызстандын рыногуна кирүүнү чечти.

Google Pay технологиясы Кыргызстанда 2022-жылдын ноябрь айында «Бай-Түшүм», «Бакай банк», «Керемет банк», «Кыргызстан», «РСК банк», «Халык банк» ишке киргизишкен. 2023-жылы Google Pay төлөм технологиясы Optima Bank жана KICB кардарларына да жеткиликтүү болуп калды. Бул маалыматты Visa Economist.kg сайтына тастыктады.