Салык кызматы ЕАЭБ күнүнө караштуу өлкөнүн бизнес-ассоциацияларынын өкүлдөрү жана ишкерлер менен тегерек стол өткөрдү. Бул тууралуу мекеме билдирди.

Жолугушуунун жүрүшүндө катышуучулар ЕАЭБ алкагында ишке ашырылып жаткан долбоорлорду талкуулап, өз пикирлерин жана сунуштарын айтышты.

«ЕАЭБ өлкөлөрү менен кол коюлган макулдашуулардын алкагында ишке ашырылып жаткан долбоорлор тышкы экономикалык иштин катышуучуларынын ишин жеңилдетүүгө жана товарлардын эркин жүгүртүлүшү үчүн тоскоолдуктарды жоюуга багытталган», – деп белгиледи Салык кызматынын төрагасынын орун басары Нурлан Умтулов.

Жыйынтыгында бизнес-ассоциациялардын өкүлдөрү жүк ташуучулардын, анын ичинде транзиттик жүктөрдүн чек арадан өтүүдөгү тоскоолдуктардын жоюлушуна жана ЕАЭБ алкагындагы электрондук навигациялык пломбаларды киргизүү менен контролдук-текшерип кароо иш-чараларынын кыскарышына үмүт артышты. Бул товарларды ташууну кыйла жеңилдетүүгө мүмкүндүк берет.